የማዕከሉ ሰልጣኝ አትሌት ዋቢ ወጂራ ለሀገራችን የብር ሜዳሊያ አስገኘ!

ነሀሴ 20/2018| በኬንያ አስተናጋጅነት እየተካሄደ በሚገኘው የአኖካ ዞን 5 ውድድር ሀገራችን ኢትዮጵያ በ1500 ሜትር የወንዶች የሩጫ ውድድር በማዕከሉ ሰልጣኝ ዋቢ ወጂራ የብር ሜዳሊያ እና በሴቶች 800 ሜትር አትሌት ነፃነት ሰለሞን የወርቅ ሜዳሊያ አግኝተዋል። ይህንን ትልቅ ድል ለሀገራችን ያበሰሩት አትሌት ዋቢ ወጂራ በውድድሩ ላይ ድንቅ የሜዳ ላይ ብቃትና ፍጥነት በማሳየት 2ኛ ደረጃን በመያዝ የብር ሜዳሊያውን አሸናፊ ሲሆን በሴቶች 800 ሜ አትሌት ነፃነት ሰለሞን የወርቅ ሜዳሊያ ለሀገራቸው አስገኝተዋል። አትሌት ዋቢ ወጂራ በማዕከሉ የ3ኛ ዓመት ሰልጣኝ ሲሆን በአሁኑ ወቅትም በማዕከሉ ውስጥ በከፍተኛ ትጋትና ዲሲፕሊን የስልጠና ሂደቱን በመከታተል ላይ የሚገኝ ተስፋ ሰጪ አትሌት መሆኑ ተገልጿል። ማዕከላችን ለአትሌት ዋሚ ወጂራ እንኳን ደስ አለህ እያለ፣ ወደፊት በሚጠብቁት ሀገራዊና አለም አቀፋዊ ውድድሮች ለላቀ ስኬትና ድል እንዲበቃ መልካም ምኞቱን ይገልጻል! እንኳን ደስ አለን!